Ma'lumki, Spid (OITS) eng xavfli kasallik bo'lib, bu asosan jinsiy buzuqlik sabab tarqalishi ko'pchilikka ma'lum. Hozirda dunyo olimlari bu kasallik oldini olish bo'yicha turli chora-tadbirlarni amalga oshirmoqdalar. Bu yo'lda har-xil dori-darmon vositalari ishlab chiqarilib, sinovdan o'tkazilmoqda. Bu albatta insoniyat sog'lig'ini saqlash, talofat va qurbonlar sonini imkon qadar qisqartirish maqsadida qilinmoqda. Ammo masalaning boshqa jihati ham borki, uni e'tibordan chetda qoldirib bo'lmaydi. Aslida spid kasalligi jinsiy nosog'lom sharoitda ko'payadi, bu illat ma'naviy buzuqlik urchigan joylarda ko'p kuzatiladi. Bu bedavo kasallik bir odamdan ikkinchisiga asosan qon orqali yuqadi. Avvallari bu kasallik deyarli bo'lmagan, asosan yigirmanchi asrdan boshlandi mazkur illat. Nima sababdan aynan yigirmanchi asr? Undan oldin ham odamlar kasal bo'lishgan, bezgak isitma, vabo kabi og'ir dardlarni boshlaridan o'tkazishgan, biroq ular shu davrga qadar Spid deya atalmish dardga yo'liqishmagan. Buning sababini axtarar ekanmiz, insoniyat o'ylab topgan achchiq bir haqiqat ko'z oldimizda gavdalanadi. Aynan yigirma asrda insoniyat o'zi uchun fahsh va turli shahvatga etaklovchi narsalarda oshkoralik, ochiqlik va teng huquqlilikka da'vo qilib, turli buzuq ishlarga keng yo'l ochib berildi. Buning oqibatida turli kasallik va balolar kelib chiqdi. Hadisi shariflarning birida bandalar buzuq ishlarga mukkadan ketsalar, Alloh ularga ota-bobolari nomini ham bilmaydigan yangidan-yangi kasallik va balolarni yuborishi ma'lum qilingan. Demak, Spid dardiga malham topilsayu, ammo insoniyat fahsh va buzuqlikdan qaytmasa, Spiddan boshqa yangi tur va nomdagi kasallik kelib chiqaveradi. Buning birgina iloji o'zini isloh qilish, fahsh ishlardan chetlanish, ma'naviy sog'lom muhitning yaratilishidir. Har qanday illatni ildizi bilan qo'porib tashlanmasa, ko'p o'tmay u yana bo'y ko'rsatib chiqib kelaveradi. Spid kasalligi ham shunday. Uni tag-tugi bilan qo'porib tashlash uchun ochiqlik, buzuqilik, fahsh ishlardan chetlanish talab etiladi. Aks holda insoniyat bu yo'lda ancha qurbonlar berishiga to'g'ri keladi. G'arb va boshqa taraqqiy etgan davlatlar shu haqiqatni tushunib etmayaptilar. Ular bor ilm-iqtidor va mol-davlatlarini sarflab, Spidga qarshi turli chora va ilojlarni qidirmoqdalar. Aslida uning davosi o'zimizga bog'liq. Spidning davosi oddiy. U ham bo'lsa Allohga imon keltirish, U Zot aytganini bajarish, nafsni isloh qilish, fahsh ishlardan uzoq bo'lishdir. Shunda Alloh yer yuziga insoniyatni halokatga uchratuvchi dard va ofatlarni tushirmaydi. Demak Spid illatining davosi oddiy. Uni o'zga narsalardan qidirishning hojati yo'q